【铁探】邓佩仪不甘当“最霉”华姐　将勤补拙升呢与惠英红斗戏

近年TVB花旦买少见少，亦带挈不少新小花获力捧，其中现年26岁的华姐冠军邓佩仪（Gloria）不单止有份参与《幕后玩家》、《不懂撒娇的女人》和《再创世纪》等多部重头剧外，更在新剧《铁探》中饰演惠英红的卧底，更与姜皓文（黑仔）有不少对手戏，表现相当亮眼！

Gloria在2013年参选《国际中华小姐竞选》勇夺冠军后入行，她在处女作《点金胜手》中饰演卓彧（黄宗泽饰）的亲妹卓至然，初生之犊的她就被批表情木讷且讲对白生硬，受尽负评。直到Gloria在《幕后玩家》中，以短发一洗清纯形象性感上阵，令不少观众刮目相看！在《再创世纪》，她更与两位男神袁伟豪和周柏豪担正组成“新三剑侠”，成功洗底，演技备受好评，更被指是师姐钟嘉欣的接班人。

点撃下图重温当年!

机会略逊其他华姐冠军　Gloria：机会唔系必然！

根据资料，Gloria相比其他华姐冠军，包括已为人母的岑丽香、钟嘉欣、陈凯琳等，其演出机会不算很多，7年只有11套剧播出，大部份重头剧，都集中在过去两年首播，Gloria接受《香港01》访问时就直认近年的确多了不少演出机会，她称：“公司俾咗好多机会我，我真系好感恩！以往7年，令我都知道好多机会唔系必然，要有一个角色有佢自己个名同对白系唔容易嘅事，呢一个圈子入面有咁多靓女，咁多人，而监制同公司肯畀一个机会你，肯去试你一个新人，所以每一个角色都会尽我最大最大嘅努力同能力，希望唔会辜负任何一个畀机会我嘅人！”

《铁探》做卧底　参考佘诗曼演钉姐

而在《铁探》中首次挑战演卧底的她就称角色难度很大，她表示：“今次挑战都几大，因为做卧底离现实中的邓佩仪实在太遥远，系喺现实中冇可能会拣去做嘅嘢！所以我都花咗时间去设计个角色，会谂如果我呢个岁数要去做卧底到底系咩感受，亦都参考咗佘诗曼喺《使徒行者》𠮶个角色去帮助我设计我呢个角色。所以，相对我以往嘅角色，挑战系极度大，同真正嘅我好唔同，不过都好过瘾，因为我一直都好想演警察嘅角色，今次终于试到啦！”

点撃下图更多剧照!

将勤补拙　冇戏拍照样睇黑哥偷师

在剧中，Gloria与红姐和黑仔有不少对手戏，她就坦言相当紧张：“坦白讲同红姐演嘅第一场有少少紧张，但我同自己讲下一次真系唔可以紧张，因为一紧张演技就会生硬，所以第二次就控制到我心情。仲好记得红姐都好nice，有一场戏我做极都唔顺畅，问完佢之后真系顺好多，帮助我好多。而喺黑哥身上都学咗好多嘢，因为佢呢套剧有好多感性嘅戏系同佢妈咪，好多情感上嘅嘢。而我一直都好钟意研究情感上呢一方面嘅演技方法，亦都好想令到自己进步，所以有几日冇我嘅戏我都突登入去睇黑哥！因为斋睇佢点培养，定系喺NG情况下点样喺同一个位流眼泪，好多方面都学到嘢。”

近年剧接剧，Gloria就笑言唔怕辛苦：“我唔系一个好有计划嘅人，希望工作唔好停，亦都好希望可以拍旅游节目，因为呢7年都未试过。（怕唔怕会性感？）唔怕，最多咪着比坚尼，我选美𠮶阵都有着，OK㗎！”

点撃下图睇Gloria更多靓相!