张敬轩关心巴黎圣母院大火　忆早前法国之旅望香港借鉴保育

法国，一个优雅古典嘅浪漫之都，系唔少人最爱嘅国度。拥有856年历史嘅著名地标建筑巴黎圣母院，喺15日晚间遭遇大火，令呢座哥德式教堂受到难以弥补嘅损害。张敬轩一向对法国有情意结，佢嘅餐厅系法式路线，对于巴黎圣母院大火轩仔都有喺IG转载，感到相当心痛。而早前轩仔亦为“第十一届法国五月美食荟（Le French GourMay）”担任“法国五月美食荟”大使。

轩仔早前亲游法国卢瓦尔河谷，感受当地的历史文化及美酒佳肴，佢话：“有好靓的酒庄、有好好食的各种法国美食，真的不愿返来呀！很想玩多一个礼拜，但因为拍摄时间比较紧迫，不过我亦特别拍了一些片段，让大家看看及感受一下历史及饮食上的卢瓦尔河谷。”而有“文物保育大使”之称兼热爱历史建筑嘅轩仔，亦对法国历史建筑十分感兴趣：“去咗一个叫‘机械岛’嘅地方，前身系造船厂，随住整个城市发展，有关方面将以前船厂内重型机械翻新改造，变成特别嘅机动游戏，部份更免费供人玩乐，系好好嘅保育意念，我觉得很值得香港借鉴。”

去到充满美酒及新鲜食材嘅卢瓦尔河谷，轩仔专诚将一啲烹调方法、材料带返嚟。长时间生活喺节奏繁忙嘅香港，轩仔利用呢次卢瓦尔河谷之旅亲亲大自然，佢话去到当地接触得最少嘅反而是人类，到处都系山羊、雀仔，令轩仔觉得整个人放松晒，甚至因为环境太靓，就连当地嘅昆虫都觉得特别可爱：“那个地方真的很美，美得连昆虫都想啜佢一啖！”