姜涛被批近女色会影响事业　唔肯定自己是否仍是处男

曾经喺《全民星战》自爆系处子之身嘅姜涛，虽然曾被质疑其真确性，不过姐姐们一于“佢话系就系”。喺ViuTV全新玄学节目《点相》中，姜涛被主持皓云师傅指其眼型修长，眼头向下而眼尾向上，是男士间少见的“真桃花眼”，不过师傅亦指出姜涛同MIRROR另一成员Tiger都不宜近女色，因为近女色可能会因女色引致破财及影响事业，仲温提姜涛越迟拍拖越稳阵。（呢个道理，其实唔使师傅讲都应该知）

到师傅温提后，姜涛就话都有少少想拍拖，但师傅就好强调“近女色都系危险，自己谂谂”，最好笑系之后主持人小占问姜涛“仲有十几年处做，开唔开心？”时，呢位男士竟然反问大家“即系我系处？”咦？到底呢一年间，姜涛发生咗咩事呢？而佢又点解会问人自己系未“处”呢？成件事都几玄，身为主持人嘅小占随即追问姜涛是否真仲系处男，估唔到佢嘅答案竟然系“可能系”，好古怪㖞！