吴卓羲誓与林峰拗手瓜争奖？　自爆再战乐坛唱《别怪她》下集

TVB力捧旗下演员踩过界献唱剧集歌曲，并唔系近两年嘅事，最为人熟悉嘅当然首推当年勇夺亚太区最受欢迎男歌手，更唱到上红馆嘅林峰。最近佢回巢TVB拍摄《使徒行者3》，剧集歌曲交到佢手都系理所当然嘅事，网友仲笑言年尾乐坛颁奖礼应该又系林峰嘅天下。同林峰份属好友嘅吴卓羲（Ron）忽然宣布回归乐坛，仲话谂住推出经典神曲《别怪她》下集，有意力争奖项咁话﹗

Ron喺2号晚出席慈善晚宴，打头阵献唱2005年经典金曲《别怪他》，仲由负责作曲嘅邓智伟伴奏。接受访问时Ron表示考虑制作《别怪他》15周年续集，仲扬言今年谂住再出起码有四至五首歌嘅EP﹗

其实Ron自05年起，单系剧集主题曲都有21首，《别怪她》正正系电视剧《酒店风云》片尾曲。仲有《巾帼枭雄》嘅《红蝴蝶》“世间什么爱叫纯洁”、《点解阿SIR系阿SIR》嘅《春风化雨》，近期就有孖住黄宗泽合唱《飞虎之潜行极战》片尾曲《虽然》。Dancer 出身嘅Ron当年喺首张EP都有只快歌《爱马仕小姐》，虽然传颂度无泽囝只《Hey Boy》咁高，但唔知今年只碟Ron会唔会再接再励又唱又跳呢？