回顾入行至今仍被指“伪毒”　吴业坤：总有人睇我唔顺眼！

艺人吴业坤（坤哥）将于下月举行第二次红馆骚《吴业坤小句号演唱会》，昨日（30/3）接受电台节目访问时，谈到由2010年凭《超级巨声2》入行，出道至今因多单的绯闻及被指“伪毒”而惹来不少劣评，对此坤哥坦言已经学懂如何面对负评。

一直被指是“伪毒”，面对种种负评，吴业坤表示网络经常出现很多不平衡的声音，无论怎样做总会有人看自己不顺眼：“其实呢个世代系变态，总有人唔喜欢‘四眼仔’。呢个系‘憎人富贵厌人穷’，系事实。当你系Nothing嘅时候，人哋唔会得闲踩你，但当你系Something，其他人就会唔抵得，捉住一啲事去讲。呢样嘢好奇怪，但其实以前我做网民嘅时候都有咁嘅思想。”坤哥表示不明白为何总要去骂一个跟自己没有关系的人，不欣赏的话，都不用踩一脚，由此体会到当没办法互相沟通的时候，倒不如不理这些网民：“要学习尝试放下遗憾。”

另外，对于过去一年主攻拍剧，而减少制作音乐，坤哥坦言感惭愧：“坐喺叱咤颁奖台下系有少少失落嘅，当我听到其他歌手嘅故事，知道佢哋经历过嘅事，我都有啲惭愧。自己确实（在音乐上）放少咗心机同时间，不过热情同热血都仲喺度。好似上年年头去咗法国造《凯旋门》，又拍咗《精装追女仔》同《神不守舍》嘅MV，好多唔同嘅合作我都有做，只不过冇好高调话畀人知我依家做紧咩。”