【铁探】收视如突破33点　惠英红快人快语：扮避孕袋玩快闪

无线重头剧《铁探》昨日（29/3）在将军澳举“最强对决 正面交锋”记者会，宣布下星期一隆重首播。剧集讲述重案姐督察尚垶（袁伟豪饰）头部中枪，一粒子弹揭开警队权力斗争序幕，争权角力陆续上演。今次由监制苏万聪以崭新电影拍摄手法拍摄剧集，全用实景拍摄，场面震撼，不少得最据张力感动人心故事情节。惠英红表示：“由我第一次接触幕后同监制佢哋，佢哋嘅概念都系以电影拍摄手法去制作，所以呢次真系一个突破，咁所以出嚟每一集，观众都可以好似独立电影咁去睇。”

早前红姐夺女配角奖承诺派福利，事后找数大骚性感比坚尼照，今次《铁探》高收视红姐又会唔会再派福利呢？红姐笑言：“我比坚尼上次已经出动咗啦，咁我可以露啲咩呢，咁不如密实佢啦，我以前睇过一套戏几好笑嘅扮避孕袋，将对女人丝袜笠住自己，我就谂不如玩呢样嘢，再加埋玩快闪，同佢哋咁讲，佢哋又语几好，其实我想要求成个《铁探》嘅演员一齐做，要佢哋每人系唔同地方做完，拍片摆上自己网，庆祝高收视，仲要同一日做，我谂会好震撼㗎。”