【江嘉敏‧专访】入行后被网友恶意批评：我真系谂过去整容

“演员其实好被动”访问艺员，问到际遇，十居其九出现这个答案。
24岁江嘉敏不同意这个说法，她说：“演员要唔知丑去争取机会。”有人觉得入监制房等于擦鞋，她觉得没有问题：“当然唔会讲监制你好靓仔呀，你啲剧好好睇呀，我直接讲唔想演学生妹，你唔讲，人哋点知你想点呢？”结果《兄弟》她原本演学生妹，转了演保镳。
可能会有人觉得她进取，但江嘉敏能够由临时演员变成上位小花，一直都是靠自己主动争取。“初入行拍港台剧，做临时演员，有日，一个特约演员嚟唔到，导演问有边个讲到对白嘅举手，我第一个走出嚟….”《喜剧之王》的情节，原来真的会发生。

江嘉敏2017年首拍无线剧《亲亲我好妈》剧中饰演学生妹严茜瑜，迅间成为宅男女神而“入屋”，那年更被选为Google年度热爆搜寻榜女娱乐名人第一名，这代表她令网友很留意，很想知道她的一切，“我初头唔系好信，以为自己有咩不雅照流出…哈哈，但其实当时对自己外表冇乜信心，我真系谂过去整容，整下个样，整下身材，因为太多负面留言，咩咁样衰呀，冇身材返去耕田，后尾真系时间耐咗，习惯咗啲人留言都系𠮶啲，同埋家人朋友开解先至冇事咋。”

 

江嘉敏虽然在无线年资浅，但入无线前已有一定演戏经验，由路人甲做起，从小就有强烈表演欲，“我细个已好钟意影相扮靓，会叫妈咪俾钱我去studio影靓相，系到谂点样可以入行呢？直头send相去啲婚礼杂志，我同佢哋讲好想做model，你哋会唔会请我呀？点知真系有人请。”江嘉敏亦由杂志模特儿开始她的演艺生涯；可能有人觉得江嘉敏好彩，入无线即做“亲生女”，角色戏份重又力捧，这一行运气的确重要，但更重要是心态，“被动嘅系等机会嚟，但你可以主动揾机会，咁多靓女，又好戏又好身材，点解人哋要俾机会你呢？可能导演就等紧边个走埋嚟。”
 

而这种积极心态，江嘉敏初入行时已有，由路人甲等到有第一句对白，亦因为主动出击而找到。“当年拍港台剧，𠮶日有个特约演员嚟唔到，导演要临时临急喺片场揾人顶上，周围问“边个讲到对白？”我唔理任何嘢即刻举手我话我得，佢问我系咪真系得？我话我真系得，乜嘢对白都讲到，但其实我系好惊，因为我未讲过一句对白，但最后导演俾咗个机会我。”

 

每位演员都有一个成功的角色入屋，江嘉敏演学生妹手到拿来，加上年轻绝对可以成为御用学生妹，但她就是不想被定型：“御用学生妹？千祈唔好，我想进步下，试多啲唔同嘅嘢人生先精彩，永远做学生妹，自己又闷，观众又会厌，我觉得系时候改变喇，人生唔可以太平稳，如果唔系都几冇意义。”

即刻投票，拣选你心水男、女主角，仲有你最撑嘅香港电影，即有机会获得戏飞。《香港电影我撑场．民选大奖2019》投票专页：https://voteforhkmovies.hk01.com/