自认经常纵坏囝囝乜都Say Yes　陈敏之：我同老公有啲失败！

“靓妈”陈敏之早前为保健产品拍摄广告，今次在广告中同样饰演一子之母，与小童星Day Day玩足一日。尽管在拍摄过程中遇到小朋友如何扭计，敏之一使出“氹B四式”──抱、拖、孭、喂，成功用母爱收服小童星。

敏之透露今次在镜头前后都体验到“妈妈唔易做”，除了要在瑜珈垫上一边做平板支撑，一边氹小朋友外，更要化身“人肉氹氹转”、“飞天秋千”抱起及背起Day Day：“同小朋友拍嘢最怕佢哋易肚仔饿同眼瞓，不过Day Day已经好乖，佢好钟意食嘢，所以我拍之前专登买咗好大袋零食，我出杀手锏喂糖氹佢。”敏之笑言氹小朋友比氹老公更高难度，因为老公很容易满足：“小朋友如果眼瞓肚饿，皇帝都冇面畀！反而氹我老公好简单，基本上一齐食餐饭、睇场戏已经好开心，可能平时太忙，所以更珍惜拍拖时间。”

不过，不是每次拍摄都有幸遇到听话的小朋友。敏之坦言曾在拍剧时遇到顽皮童星，最终她迫不得已严厉喝止：“不过返到屋企对住子乐，我同老公就有啲失败，可能我成日出咗去做嘢，觉得好内疚，返到屋企就要做慈母，乜都Say Yes，搞到有少少纵坏咗佢。”

另外，在拍摄过程中Day Day突然失平衡跌倒，敏之即时吓得花容失色。当忆起囝囝在玩乐时试过有小碰撞，自己都会刻意保持镇定，因为想他刚强一点。问到日后可会再有机会母子档上阵拍摄广告，敏之笑言很担心囝囝会“搞搞震”：“记得佢1岁几𠮶时，试过同佢一齐拍个网上广告，当时非常难控制，不过效果出到嚟好得意，捕捉晒子乐古灵精怪嘅样。”

点击下图看更多敏之靓相：