【福尔摩师奶】监制评分演技“有尴尬感觉”　陈滢：我会再努力

《福尔摩师奶》一剧中，陈滢饰演高级交际花魏素嘉一角，亦是她入行以来较重戏份的一套。剧集踏入结局周，观众最期待的，当然是“谁是开膛手？”陈滢今日出席剧集宣传活动时，被问及是不是开膛手时，她回答说：“系咪吖？话系你又未必信、话唔系你又未必信。讲真，我真系唔记得，哈哈哈。”

剧集成功吸引观众，除了剧本出色外，一班演员都功不可没。监制方骏钊今日接受《香港01》访问时，就给了陈滢这位演员75分，并留下评语：“工作好认真，靓得嚟有少少Cool，仲有啲Dark，个角色系度身订做畀佢。佢层次可以再做得好啲，Extreme嘅戏佢做得好好，相反地冇乜嘢嘅戏佢Handle得唔好，反而有尴尬嘅感觉。”陈滢知道自己有75分时，即说：“多谢监制！”

“始终我都系新人，好多嘢都做得唔够好，就系靠鼓励啰。”并承认自己确有不足之处。陈滢：“我第一次演戏嘅时候真系唔好，因为冇𠮶个基本功，我觉得要练出嚟嘅。而家过咗几年，其实都多咗人讲：‘陈滢唔再系个花瓶，都做到少少戏。’其实见到呢啲系开心嘅，因为外貌好影响到人哋对系演技嘅评语。因为外貌太过出众嘅时候，好多时候会难做戏啲，好弘时候唔可以好夸张，要攞个平衡。呢个我仲拿捏紧。”

被问及是否有“女神包袱”呢？她回答说“不”，并说了一个例子证明。“好多女仔觉得呢个角度靓啲，呢个角度瘦啲，但系我从来都唔会。甚至乎我会加好多核突又唔需要嘅动作落去。正如好似之前拍《跳跃生命线》，𠮶场戏冇乜特别，咁不如我做呢嘢，就突然间撩鼻屎，而播咗出街。我觉得呢个位可以生活化啲，就会做呢啲嘢，所以我冇𠮶样嘢（女神包袱）。”