【快乐中年】丁子朗跟郑丹瑞“学嘢”　无聊问题获覆一个“唔”字

无线综艺节目《快乐中年》，每集都会邀请不同嘉宾分享人生经历以及演艺事业上的高低起伏。节目除了有金牌司仪郑丹瑞（旦哥）外，还有一班后辈“跟住学嘢”。今日（21日），主持之一的丁子朗出席化妆品牌活动时，就谈及跟旦哥学习做主持的有趣事。“每晚逢10点就可以同啲大前辈问问题，真系袋咗好多钱落袋！”

丁子朗续说：“虽然个节目叫《快乐中年》，揾咗我呢个后生仔去做，但系前辈都非常之好，唔会嫌我啲问题低能，唔会嫌我烦，喺度答我啲问题。（例如？）譬如，入行咁耐有啲咩难关，但系明明旦哥已经问过，我又再问多次。又譬如，剧本有啲咩需要睇吖，你会点样分析剧本。我觉得呢啲对行内人可能好明，但系我真系好想问。（熄机之后旦哥有冇话你问得唔好？）有吖，熄咗机之后，旦哥成日会咁：‘唔，啱啱...唔。’咁样啰。因为我冇上过训练班，佢真系好似一个老师咁，俾我一个好似课外训练班嘅感觉。”