明日花绮罗晒Hermès被质疑扮富贵　影收据反击：唔知点买空盒！

每位男士心目中都有部DREAM CAR，女士就应该系想拥有殿堂级名牌手袋。日本女优明日花绮罗早几日晒出2张靓相，见到一堆Hermès橙色盒小山丘，留言话：“白色情人节被淹没了﹗”仲加上Hashtag “HermèsTower”除咗令女士们既羡慕又妒忌，仲被部分网友攻击佢晒命，仲质疑佢只系得空盒扮富贵。

橙色盒好多人都认得，但有啲精明网友就认得，礼物盒上丝带系几年前旧款式，质疑明日花晒旧货定空盒？收到礼物影相文上网开心share本身好正常，相信明日花都估唔到会引来咁多Haters攻击，仲有好多人打去相关店舖查询。

事隔2日，明日花终于发声，佢上载一堆百货公司收据，另外又将手袋同鞋放喺盒上面留言话：“呢啲礼物的确系我喺2016年收到的，于高岛屋百货公司购买，呢啲收据系我问佢地寄返俾我，好抱歉呢次令百货公司方面受到影响。有人话呢度全部系空盒，但事实上里面全部有货物，我亦唔知道原来可以单买空盒。”送礼人士都估唔到惹起掀然大波，即刻再送2个Hermès手袋赔罪，明日花都可算是因祸得福啦。