何超莲早知G.E.M.公司待遇不公平 ：一路以来都见佢成日喊

何超莲早前在贵州开展富意义的旅程，超莲今天（19日）出席时装活动时分享这次旅行点滴：“我哋二十人一齐去贵州一个山区教小朋友英文、髹翻靓间学校，同埋畀物资佢哋，其实真系超级辛苦，我哋由海拔1,000米行到上1,780米，你谂下个斜度，同埋我哋行咗14公里先到，到咗又要做嘢，所以都系比较辛苦嘅旅程。”

这个贵州之旅辛苦程度远超她所想，气温低得超莲说是“冻到傻咗”，作为千金小姐她也不怕劳苦，全因为她有一颗善良的心，“其实好冻好冻都要Keep住做嘢，要尽量系太阳落山前要帮忙执好哂物资，同埋要同小朋友玩，因为佢哋好惨系留守儿童，佢哋爸爸妈妈都唔喺身邉去咗大城市工作，所以好少我哋呢啲咁年轻嘅义工去教佢哋，用哂我哋精力。”

好姐妹G.E.M.（邓紫棋）最近为合约纠纷而烦恼，超莲一早知道这件事情，更透露G.E.M.为这件事情流下不少眼泪：“佢其实都唔系而家唔开心，一路以来都见佢成日喊又唔开心，我觉得作为朋友要系佢需要我嘅时候出现陪佢同支持佢，但我知道依家都唔可以讲太多关于佢哋中间嘅事，交返畀佢律师处理，但我知佢一路都好惨，待遇唔系咁好，不过我都唔讲太多。”