【叹息桥】拍ViuTV剧难回无线？　伍咏薇：我觉得唔系咁小器嘅！

伍咏薇（伍姑娘）今日（19日）出席“香港国际影视展”ViuTV新剧《叹息桥》的发布会。她透露原来是导演找她去做这个角色，而且她指她演的这个角色原来是剧中最难演的角色，她说：“其实成套剧系讲啲好‘贴地’嘅嘢，每个人生活嘅模式，即系每个人睇每件事嘅角度唔同，个拍摄手法系好得意。”

伍姑娘现在拍摄了《叹息桥》，被问到将来再回TVB拍剧会否有难度，她表示不认同：“早几年大家可能紧张啲，但去到依家呢个年头，呢一、两年，已经大家都系走来走去，或者去呢个平台拍完，再返去𠮶个平台拍，你见到好多，所以我觉得唔系咁小器嘅事，只要个演员啱𠮶套戏嘅话，我觉得个监制或者公司会自动揾你。”

伍姑娘也认为演艺行业现在的机会较以前多，她说：“因为电影业蓬勃返小小，之前就唔够多电影，做嚟做去都系𠮶班，依家就好好多喇，古生（古天乐）上咗台之后，不错啊！港产片多咗好多机会啦，啲剧本靓咗好多啦，电视剧又多咗，又有网剧。不过无论点都好，点都唔够八十年代、九十年代最盛放𠮶段时间。但系点都好，我哋作为专业、实干嘅演员，有团火喺度最紧要。”