【降魔的2.0】大爆C君劲惊“吊威也”　黄智雯：吊吊下就觉得好玩

黄智雯（Mandy）今日（16/3）出席在钻石山举行的《花花世界大派对》活动，更即席为两名粉丝制作的头饰花环评分，胜出者不但得到Mandy为他戴上花环，并可ＳSelfie一番，看到台下观众一片羡慕。Mandy表示：“自己都好钟意一啲灰灰蓝蓝颜色嘅花，如果我自己喺屋企摆花嘅话，我会拣啲复古嘅花放喺屋企。”

无线新剧《降魔的2.0》拍摄工作如火如荼，Mandy透露拍摄经已进入大直路，还有多场打斗重头戏要拍，又大爆C君有畏高：“有次佢要吊威也，要吊到上厂顶，个高度都有成2至3楼高，佢话：‘呢铺大获啦，我有畏高㗎！’我唔知佢喺上面嘅时候系点呀，咁我哋咪喺下面畀啲鼓励佢啰，其实我同佢讲吊吊下就会惯。”