【反黑】积极减肥等新一季6月开工　陈嘉桓：锁骨都出返嚟！

陈嘉桓（Rose)今日（15/3）出席在大埔举行的《2019台湾小镇漫游·人气田园节》活动。台湾出名多特产及地道味食，连Rose都赞不绝口：“基本上我一个月或者个半月嘅时间我就会飞去一次，每次嘅配搭都唔同，会同朋友同屋企人去，有时仲会一个人飞过去揾我啲台湾朋友，再等天气再热啲，我就会去学冲浪。”

宣布减肥成功嘅Rose，透露《反黑2》再过多3月时间就准备开拍，还会与彭敬慈有感情线：“上辑要我增肥，但新一辑我就唔使再咁肥啦，因为讲我喺感情方面受到打击，之前减得咁身苦，减咗成十几磅，依家块面V咗，目测锁骨都出返嚟，所以都会Keep住唔好畀自己肥，趁喺呢段未开机拍嘅时候，我仲可以留长头发，慢慢享受女仔啲嘅感觉。”