【G杀】陈汉娜初做女主角与杜汶泽演父女：喺现场唔敢同佢讲嘢

电影《G杀》昨日（13日）举行首映礼，电影今日（14日）公映，第一次担任女主角的陈汉娜（Hanna）表示有一定压力：“我自己唔系演戏出身，可能一开始会对自己好多质疑，或者唔系好有自信。导演喺开拍之前同我讲要喺《G杀》入面从头带到落尾，如果一衰咗套戏都会衰，就会好紧张，自己做得好唔好会好影响套戏。当然导演相信我拣我去演，我都会畀返200%力尽力做好，无论系唔系主演都会尽力去做。”

陈汉娜在《G杀》中饰演一个不太合群的中学生赵雨婷，但原来两者有一定的年龄差距：“中学生同我年龄相差近九年，用24岁嘅思想去谂呢个角色其实系唔啱，变咗处理角色嘅时候要跳出自己去谂。”她又分享赵雨婷和自己中学的时候大不同：“好大分别！睇剧本𠮶阵谂返自己完全唔系咁，赵雨婷系好厌世，见到好多嘢都好唔顺眼，我唔会咁，大家同学好简单上堂、玩，又唔会话有师生恋，角色上比较大胆。”

Hanna分享拍摄的时候其实没什么压力：“《G杀》开拍之前导演都有安排老师同我哋排戏，上堂嘅时候我觉得最好嘅系老师俾咗好多信心我哋，令我哋有自信，所以去到现场大家都已经非常在状态，拍嘅时候已经唔紧张。”问到有没有跟饰演爸爸的前辈杜汶泽取经，Hanna就说：“喺电影里面我同佢嘅关系唔系咁好，得两场戏一齐拍，但都冇乜嘢讲，由于大家都喺个状态下，所以冇乜同大家讲嘢。我觉得佢好尊重演员，无论系唔系新演员，佢唔会专登话要教你点做，我喺现场其实都唔会好敢同佢讲嘢。”可见演员为了入戏，连在现实生活都在投入。

Hanna正在拍摄由前阵子大热的日本电影，《尸杀片场》班底制作的新作《二人小町》，她分享电影选角时类似Open Casting：“一般平时都系个别地Cast，今次大家会睇到大家Cast，其实都几紧张。”《二人小町》是低成本电影，所以制作团队也十分迷你，拍摄上则与香港电影相差无几。问到在电影里有很多床戏，Hanna大方回答道：“其实冇乜点准备，因为schedule十分紧迫，我又开拍近第二套戏，去到现场就要豁出去，要同五个唔同嘅人有好多亲热戏。”展现了作为演员专业的一面。