前儿童节目主持黄恺怡宣布订婚　嫁初恋机师男友：真心感动同幸福

恭喜恭喜！TVB靓女主持黄恺怡（Jasmin）在12号晚于IG宣布男友Billy求婚成功的消息，准备做幸福人妻！Jasmin在IG Post了4张相片，并写道：“You’re definitely one of a kind and I am the luckiest woman to have you by my side.（你肯定是独一无二的，有你在身边的我是最幸运的女人。）”幸福之情溢于言表。

Jasmin在IG公布喜讯之后，她的好友及粉丝纷纷留言送上祝福。她在接受《香港01》访问时也有分享求婚过程：“佢话带我去间酒店食甜品buffet，点知去咗酒店套房，门口仲有张心形门牌写住我哋嘅名。我一入到去都几夸张，因为间房已经布置好晒，成件事都几梦幻。”相中所见现场布满气球和花瓣，还有以字母灯饰拼成的“JASMIN I LOVE U BILLY”，相当浪漫。虽然Jasmin只Post了与男友的合照，但这么重要的一刻当然有亲友见证：“佢揾晒我最好嘅朋友同屋企人录咗段video帮佢拉票，就喺播video中途，佢哋全部出晒嚟畀surprise我。跟住都系一般情侣会做嘅嘢，送花，拎只求婚戒指出嚟，向我单膝跪地求婚。”

男友Billy花了这么多心思准备，Jasmin也十分感动：“我觉得最有心思嘅系佢自己设计同订做一个蛋糕，仲有佢自己整嘅相簿。佢应该准备咗几个月㗎喇，事前我feel到佢成日心事重重，好似做紧一啲工作上好重要嘅嘢。求婚𠮶一刻，真心感动同埋系幸福嘅。因为我觉得佢平时做嘢系慢功出细货，同埋有少少完美主义，所以有时做嘢比较慢。今次搞咗好多嘢背后都有含意喺度，仲成功搞到咁多嘢，好叻仔，我都有忍唔住喊。”

Jasmin透露与任职机师的男友Billy是大学认识，更是自己的初恋。不过因为Billy要去澳大利亚受训，所以两人维持了一年异地恋：“𠮶一年都算唔容易，但系亦都系一个磨炼。同埋我觉得两个人一齐都要有自己嘅目标同埋想，始终感情同埋事业喺现今嘅年代都好重要。佢咁努力为自己嘅目标去奋斗，我绝对系100%支持，加上为自己梦想而奋斗都系一件好浪漫嘅事。”

现年29岁的Jasmin，从香港中文大学新闻及传播系毕业后就加入TVB，更因为主持儿童节目《Think Big天地》而深受小朋友欢迎。虽然做艺人工作忙碌，但Jasmin就很感谢男友的支持：“始终我而家做紧嘅工作无论系性质定系工作时间都好唔一样，但佢都会尝试理解我嘅工作同埋体谅我、支持我。佢系一个正能量宝宝，好多时候当我想放弃嘅时候，佢都会叫我唔好放弃，因为佢话做好一样嘢坚持好重要。”如今结束7年爱情长跑，Jasmin透露最快会在明年举行婚礼：“冇谂过做少奶奶，今时今日结婚系对伴侣嘅𠄘诺，工照样要返，继续发展自己嘅事业同提升自己。”祝福他们！