菊梓乔恨开个人音乐会　迫公司表态 ：专登喺镜头面前成日讲

首届《KKBOX香港风云榜》颁奖典礼，昨晚（12/3）假香港会议展览中心隆重举行，一众本地歌手倾巢而出，角逐“十大风云歌手”及“年度新人”等多个奖项，大会更邀请韩国独立乐队The Koxx的键盘手Shaun任表演嘉宾，为乐迷献上红爆全球的《Bad Habits》及《Way Back Home》歌曲。

歌手菊梓乔（Hana）夺得“十大风云歌手”奖，颁奖礼后接受《香港01》访问时说：“我知道呢个奖系好难攞，亦都知道靠好多听众歌迷落力去听我嘅歌先有呢个奖项，我觉我好感动系好多朋友听，呢个颁奖典礼系首届喺香港举办，能够成为首届KKBOX风云人物实在太感恩，又好光荣嘅一件事。”

（成绩咁好，会唔会要求加歌酬？）Hana笑言：“冇呀，我哋呢啲随心嘅，其实佢哋每畀一首新歌都叫做奖励，冇嘢重要得过，可以唱得到咁多好嘅音乐，希望可以举办到个人嘅音乐会，其实我都一直迫梗公司，都专登喺镜头面前成日讲，希望佢哋帮我举办，但佢哋好似未有表示。”