【福尔摩师奶】床上同陈滢互摸玩“SheShe”　江嘉敏：系佢做主动

无线剧集《福尔摩师奶》中，陈松伶姐姐（祖迪费查／鲍姝娣）精彩的查案手法以及剧情，让人又惊又紧张又想睇。剧集播映已有两周，而剧情更开始进入高潮，开膛手的身份亦快将揭晓，上一集更讲到为了公义而破口大骂英国人，十分有爽快感。不过，好可能今集（第11集）才是对网民来说，真系正的高潮位。上集预告片中，魏素嘉（陈滢饰）和丁晓尧（江嘉敏饰）一起“大被同眠”，还手牵著手情深对望。莫非，魏素嘉和丁晓尧其实是“SheShe”（女同性恋）？

江嘉敏接受《香港01》访问时，即以“监制话唔讲得太多”为由拒绝回答两人是否“SheShe”的问题。不过被问到，谁是主动谁是被动，她回答说：“只可以透露系魏姑娘主动嘅。”问及为甚么会出现这一幕戏，她回答：“因为鉴于‘魏姑娘’（魏素嘉）嘅身世，某程度上佢系有啲欣赏同埋羡慕晓尧善良同埋纯品嘅性格，所以佢就会对晓尧有种奇怪嘅心情，奇怪嘅感情喺入面。不过话佢哋系咪‘SheShe’呢，就要睇落去先知。”

谈及与女神陈滢的合作，江嘉敏表示这次已经不是第一次合作拍剧：“我哋平时会一齐倾计食饭，系熟嘅，不过第一次拍两个女仔嘅（床上）戏呢，大家一齐喺张床度摸嚟摸去、辗嚟辗去，都会好尴尬，又会面红，连入面厂嘅Crew都话：‘未见过嘉敏面红㗎，佢终于安静啦。’因为我喺TVB都系一个喇叭嚟㗎。”访问中，她更表示陈滢是她的女神：“好耐以前同佢合作过𠮶张港台剧海报，仲黏咗喺屋企度，本来想揾佢签名㗎，不过我淆底，哈哈。”