【开心速递】Bonnie入屋有惊喜 脆香鸡翼同芝蛋脆鸡海报轮住出场
撰文： 邝钰莹
出版：更新：
《爱‧回家之开心速递》深受观众欢迎，亦同样深受广告商嘅欢迎，而自从通讯事务管理局放宽电视节目有关间接宣传的规管后，植入式广告可以话喺剧中无处不在，就好似前两日嘅废青再培训上下集，虽然大家嘅目光可能落咗喺谭道德（陈荣峻）同安仔（周嘉洛)之上，但其实谭家门外，亦同样有笑点。
话说当Bonnie（林凯恩饰）准备入屋之际，爸爸谭道德同佢讲未搞掂安仔，叫Bonnie喺熊家住多两日。就系Bonnie身处嘅走廊，竟然出现麦当奴超值选广告！虽然系同一个Bonnie同一条走廊，但佢背后嘅广告就分别出现过12蚊芝蛋脆鸡包同10蚊脆香鸡翼，唔细心睇真系难以发现麦当奴已融入家中。