【开心速递】细龙太陈伟琪减肥血泪史　由170磅米芝莲减到98磅

无线处境剧《爱‧回家之开心速递》入面饰演细龙太的陈伟琪 (Vicky) 身材出众，拥有玲珑浮凸body的她，多年前于加拿大卑诗省大学读书的时候，却是肥妹仔一名，体重一度高达170磅，成身都圆碌碌，她的车軚腰更是肥到跟米芝莲一样。后来她惊觉自己真是愈来愈肥，加上要参加选美，故下定决心进行地狱式减肥，用半年时间由最高峰的170磅减至参选时的112磅。

《香港01》电话访问了Vicky，问她到底用了甚么方法可以减掉近60磅，Vicky表示：“其实最主要系改变自己个生活习惯，我读大学时好努力读书，少咗做运动，又成日要写论文，一写就坐喺度十几个钟唔郁，而且系不停食甜嘢同饮啤酒，啲米芝莲就一圈圈咁加上去。后来决心要减肥我就唔再边写论文边食嘢，戒晒甜食同啤酒，一步一步咁减，之后为咗要减得快啲，仲试过一日只系食一餐蔬菜沙律，甚至系2、3日唔食嘢，用断食方法嚟减肥。”

Vicky坦言断食的确是会瘦得好快，连运动也不用做已经可以达至减肥效果，但就非常之唔健康，极不建议大家学她用这个方法。她说：“我最癫时系试过成个月唔食嘢，真系好顶唔顺先食一条菜，𠮶时减到98磅，系我最瘦嘅记录，不过咁样减肥个样会好憔悴，一啲都唔靓，而且好唔健康，一食返嘢就会反弹得好快，所以大家千其唔好学我。减肥无捷径，想减得靓同健康一定要靠均衡饮食同埋做运动。”

一齐睇下Vicky减肥成功后啲索爆靓相。