【如果这样生活】洪永城严冬再踏拉萨　旅游达人叹难顶：开始老了

主持旅游节目出身的“旅游达人”洪永城最近又有新搞作，他早前在IG透露自己为TVB全新节目《如果这样生活 （暂名）》再次走访西藏拉萨拍摄旅游节目，近距离体验当地藏族生活！

节目《如果这样生活 （暂名）》将会找来10名艺人，走访世界不同国度，探索生活的可能性，与观众一同追寻真正理想的生活方式与态度。 曾制作《4个小生去旅行》的监制苏敏仪接受《香港01》访问时，更率先透露艺人阵容：“今次会有洪永城、李佳芯、张颕康、朱千雪、黎诺懿、袁文杰和余德丞等10个艺人，佢哋除咗会向观众分享个人经历之外，亦都会带大家去睇唔同地方当地人嘅生活方式和态度，当然𠮶地方亦都会同佢哋自身有关联嘅，希望节目亦都能够带一啲正能量界大家。”

点撃下图，睇其他艺人出发靓相！

洪永城为节目相隔两年再次踏足西藏拉萨，除了有不一样的感受外，他透露旅程依然辛苦：“点解我要再去西藏，因为呢个地方真系好有灵气，细细个睇《西藏小子》已经好钟意，而且我都有朋友喺度，今次都有争取时间见面。（今次旅程辛苦吗？）辛苦呀，因为今次去西藏拉萨系冬天，好干同好大风，亦都有高反（高原反应）。因为冬天嘅关系，周围环境嘅氧气系更加少，连啲植物都枯萎，因为氧气好稀薄，所以好多嘢都要慢动作，好多同事都呕吐、头晕同发冷，好唔舒服咁去做呢个节目。（见李佳芯都系去西藏㖞，系咪会合作？）Ali系另一集，只系会crossover两日。”

洪永城又透露今次会去当地一个叫“拉萨故事商店民宿”的地方：“呢个系一个北京人开嘅民宿，只要你讲故事讲得好就会免费畀一晚住宿你，呢个就系我哋想睇唔同生活方式嘅主题。”据知，民宿老板辞去某集团高薪的工作，在环球旅行了20个国家和听过了上千位朋友的故事后，决定在西藏开设“拉萨故事商店民宿”，实现梦想，不知道洪永城又说了什么打动人心的故事呢？

点撃下图睇民宿环境！

讲到旅程中最难忘的事，洪永城就称：“应该系羊湖，𠮶阵太阳落山又大风，情况好恶劣，但摄影师就好专业，唔知点解几件衫就搞得掂，啲摄影师真系好挨得，我真系觉得自己弱同埋老喇。”佢又透露由于拍摄时间只有5天，所以比较chur：“因为时间紧逼，所有嘢都要快，最可惜系呢个应该要慢嘅地方要快，所以拍摄都有困难。”