何超莲IG粉丝人数破50万大派福利 ：我阿妈十分之唔满意

何超莲今晚（26/2）出席在中环举行的著名意大利珠宝腕表品牌派对。她一身中空性感打扮，配衬华丽钻式，尽显女性优雅时尚品味：“今日个场合啲珠宝好靓，咁所以拣咗呢条裙去衬呢啲珠宝，其实平时买珠宝呢个重任系交畀我妈咪，因为佢好有心得，好有研究，所以佢买咗返嚟我哋会一齐戴。”

超莲IG粉丝超过50万，为庆祝“达阵”成功，上载浸温泉露背相大派福利，事后妈咪知道表示不满：“其实真系一个背影嚟啫，但我都唔明点解觉得咁性感，不过我阿妈又十分之唔满意，有朋友笑我依家50万，咁到一百万你又点算呢？咁所以到一百万时，我就咩都唔做喇。”

超莲细佬何猷启早前自爆已为人夫，并表示会积极做人，仲话想生一对龙凤胎，超莲笑言：“系呀，因为我同佢都系龙凤胎一齐出世，咁所以我谂佢都系一个情意结，佢觉得自己高机会率生得出，我都好期待佢呢个好消息。”（妈咪有冇去细佬婚礼做见证？）超莲直言：“大家都有去，不过我哋比较低调啲，因为呢样嘢系屋企人嘅嘢，都唔想太过高调，妈咪钟意低调，咁所以大家就做咗呢个仪式就完成咗。”（妈咪有冇评价呢位新抱？）超莲笑言：“咁梗系好啦，哈哈！咁我阿妈又真系冇同我讨论过，其实佢又对我妈咪几好嘅，知道我阿妈钟意食嘢，佢会叫人煮啲我阿妈钟意食嘅嘢整畀佢食。”