钟欣潼欧游失踪老公惊栗半小时 ：成个人训低咗喺厕所

钟欣潼（阿娇）今日（26/2）出席尖沙咀举行的著名意大利高级皮具品牌活动，提到好姊妹容祖儿及蔡卓妍日前飞去北海道旅行滑雪，阿娇表示因为有工作在身去唔到：“其实我又唔系好钟意滑雪嘅，但我又好想同啲姊妹一齐去旅行，惟有下次再约过佢哋去啦。”

早前阿娇不幸患上甲型流感，需要食药休息，一度停工养病。阿娇透露同老公去欧洲度蜜月时差点发生意外：“本身患咗流感个人好唔舒服又食咗药，到夜晚食饭嘅时候又饮咗酒，咁就撞咗啲药，之后我喺厕所成个人瞓低咗，半个钟头我都仲未返出去，老公当时好紧张冲咗入嚟厕所揾我，咁啱我又醒返佢扶我出去，𠮶一刻成个人真系好辛苦，连𠮶餐饭要取消，𠮶间仲要系米之莲餐厅，只系食咗两道菜就走，啲人仲话‘系唔系啲嘢唔好食呀’，搞到真系唔好意思。”