古巨基赴京演出忙到冇饭食　秦岚出手拯救五阿哥

撰文： 洪晓璇
出版：更新：
古巨基最近忙个不停，呢日又去到北京。

古巨基最近忙于宣传同胡定欣合唱嘅新歌《乱世情侣》，为4月红馆演唱会彩排，仲要周围飞商演揾真银，真系一日48小时都未必够用。19号佢又飞到北京《央视元宵晚会》，饭都未食就赶住彩排，好在遇到好友秦岚，五阿哥同知画又再重聚，令唔少网友高呼好有爱﹗

元宵晚会中，基仔以荧光绿高领衫衬beige colour大褛，唔少网民都留言指咁大胆嘅颜色唔系人人都carry到。

基仔上咗《央视元宵晚会》唱出经典金曲《情歌王》，为中式情人节增添浪漫气氛。由于节目时间有限，基仔将首歌缩短成三分钟版本，网民都表示三分钟完全唔够喉，好想听到十二分钟完整版！佢喺后台撞到《延禧攻略》饰演皇后嘅秦岚，佢知道基仔一落机就赶住去彩排，饭都食唔切，于是就请基仔食饺子，而基仔都好识做，即刻出Post多谢皇后啊！

基仔饭都食唔切就赶去彩排，好在遇到老友秦岚请食嘢咋。（古巨基IG）
之前秦岚来港宣传时，基仔都有一尽地主之谊，仲安排佢同心目中嘅女神周慧敏见面。（古巨基IG）
+7