【廉政风云】票房快破3千万　麦兆辉：续集剧本开始写梗

由麦兆辉编剧及导演，刘青云、张家辉及林嘉欣领衔主演的《廉政风云·烟幕》，在新年档期上映至今，票房将近突破3千万，继《窃听风云》系列后又一力作，真是叫好又叫座。而麦兆辉出席在金钟举行的电影《写我华丽缘》首映礼，透露将会开拍以“廉政”为题的电影：“我依家开始写梗剧本，都花梗时间去写，暂时未预算到要用几多资金去拍，现阶段好多工作都在进行中。”

香港电影如果要打入内地市场，必须经过内地相关部门严格审批后，才可获准上映。被问到《烟幕》如何可以成功通过内地审批，还可保留自己原汁原味的作品不被删减？麦兆辉接受《香港01》访问时说：“可以话系经验嚟，如果你要写个题目系反政府，我谂去到边都播唔到啦，睇下你系咪用一个善意嘅态度去讲一啲问题，例如好似《窃听风云3》，故事讲述房屋问题，喺最初大家会问讲房屋咁敏感嘅问题，会唔会唔系几好呀，你唔系提出一个问题，就话呢个问题而家世界会毁灭，你提出一个善意嘅问题去解决方法，我谂用呢个方法去到边都唔会有事。”

被问到是否尽量避免涉及内地官员，与本港贪污案有关的敏感题材？麦兆辉直言说：“如果香港部门有官贪污系会有发生㗎，系讲得㗎，你唔会话呢个世界冇人贪污，咁冇人睇啦，唔需要避忌，如果要避忌唔好写一啲你唔知道嘅嘢，而又估咗佢系咁啰，如果你写香港嘅官贪污背后话一定系上面啲人做㗎喇，你咁写傻嘅咩，第一你系唔知，唔知你又讲，唔系尽量避，根本唔系白痴，第一又冇数据、第二你有心咁做你嘅目的系咩呢，所以冇必要。”