【后生仔倾吓偈】麦明诗当林秀怡透明？　6号：佢都唔同我打招呼

最新一集《后生仔倾吓偈》以“被当透明”为题，席间冯盈盈分享最近同视帝王浩信喺街头拍摄时，被内地游客完全当透明，个个都争住同王浩信影合照，手fing fing无嘢做嘅FYY唯有走去问导演埋得位未。之后6号提到“港姐唔会被工作人员人当透明”时，FYY就话“都唔系架”，并且好婉转咁表示可能幕后工作人员好忙，少啲留意娱乐新闻，继而说出自己曾被幕后问“你点入行？训练班定系？”当FYY表示自己系“香港小姐”后，对方似乎完全唔知眼前呢位就系港姐冠军，并继续问“咁你系几第名？”FYY尴尴尬尬讲出自己系“冠军”后，对方即时醒晒，并道歉指自己实在太忙，无留意港姐消息……

至于身为嘉宾嘅林秀怡亦都有唔少被当透明嘅经历，她表示自己每次在化妆间遇见同事，无论识定唔识都会点头打招呼。“有一次，有个同事见过几次，但无对手戏过，喺化妆间见到佢时就hello，佢望一望我然后继续做自己嘢，我伤心咗好耐，谂自己系未做错咗事呢？”林秀怡透露对方系女艺人、同剧但无对手戏，范围甚广，但6号就乱咁估，并一口咬定系“麦明诗”，因为二人之前曾合作《是咁的，法官阁下》并指麦明诗完全符合林秀怡口中所讲的“神经大条”，仲话“因为其实有时佢返到嚟都唔同我哋打招呼架”，FYY再补多句“我哋代麦明诗同你讲声唔好意思”。