【渣打马拉松2019】首战半马向陈山聪取经　袁伟豪：好大压力！

身为“Crazy Runner”一份子的袁伟豪（Ben）平时参加山路越野赛就参加得多，今早（17日）他现身尖沙咀出战21公里的渣马半马赛事，女友张宝儿亦有同行支持：“其实早4、5年前参加过一次10公里赛，新一年想揾啲新挑战，就即刻喺一个月前先练跑操返。”他坦言平时练跑最多都只跑15公里，不过始终做开运动，Ben对自己有信心：“最尾几公里应该都挨到返嚟嘅！”

Ben坦言自己平常跑山路居多，参加以跑街路为主的马拉松理应更有优势：“跑下山路啲脚都会有力啲喇，面对斜路、甚至传说中嘅西隧，或者西隧出面𠮶啲位希望都会运用到！”

第一次跑半马，Ben称早已特意向同是“Crazy Runner”的陈山聪取经：“寻晚佢都畀好多贴士我，叫我著啲啱少少、个底唔好太薄嘅鞋。佢都叫我要留意返几时要补充好体力，每10公里要食返啲Gel（能量啫喱）。”

Ben表示希望能在两小时左右内完成赛事，并笑称“Crazy Runner”给他很大压力：“我啲兄弟对我好有信心话我两个钟头内会返到嚟，咁我就承佢贵言啦！”