【开心速递】荧幕情侣被消失有传得罪监制　谢芷伦：冇啲咁嘅事！

马贯东，谢芷伦（Jan)　这两位处境喜剧《爱·回家之开心速递》的萤幕情侣，今日（16/2）出席在葵涌梨木树举行的“如猪如宝至哼通”舞台活动，更即席大献歌声会观众。Jan表示前几日去了上海登台唱歌表演已经热咗身，所以今日唔会怯场。贯东就话：“为咗今次演唱，特别揾咗个歌唱老师教唱歌，因为自己本身一唱歌嘅时候就会好紧张好唔稳定，所以揾老师教我点样可以平伏自己心情，可以发挥得好啲。”

在《爱》剧中，由马贯东饰演“秦博士”与谢芷伦饰演“林美香”这对萤幕情侣深受视迷欢迎。早前两人宣告暂别《爱》剧，不少视迷得知这个消息，一时间无法接受，甚至有网民揣测他们两人可能得罪监制而被“消失”。Jan直言：“一定冇呢啲咁嘅事啦，《爱回家》呢套剧集数都好长啦，咁所以可能迟一啲监制都会通知我哋返去嘅，我哋都系等梗公司嘅安排，其实由我拍《爱‧回家之八时入席》到依家都有3年时间，对我嚟讲系一个拍得最长嘅剧集，能够打造出呢对萤幕情侣，而令观众爱戴我觉得好荣幸，当我知道自己戏份未能延续，真系好突然内心好唔舍得，因为同大共事咗好耐，好似一个大家庭咁。”

贯东坦言：“其实几时返去，真系要睇剧情需要，然后再等公司安排，自己知道冇得拍嘅时候，心情梗系觉得可惜，其实唔系净只我哋觉得，有啲观众都觉得点解会冇得再睇呀，咁我哋都好希望快啲令到观众开心返。”

【周五心意运动】您捐一封$50利是，已可为基层送上温饱，01心意呼吁您支持【食德好】，每$50可为12个家庭提供一餐回收蔬果及食物：https://heart.hk01.com/zh/project/10003