Aka@SG情人节都要食谭仔　Cheronna：可以考虑埋摆酒

曾喺谭仔米线搞生日会嘅Super Girls成员吴嘉熙（Cheronna）喺情日节当日 ，连同Aka(赵慧珊）一齐去到谭仔出席串流音乐平台Joox举办嘅“其实自己一个更开心”活动，两女除即席挑战谭仔姐姐讲急口令，并大派“出pool符”予食客。

两女接受访问时，不停卖口乖表示希望可以做代言人，Aka更分享如何得到更多炸酱秘诀，非常疯癫。Cheronna指自己每星期都会帮衬两次，问她可会考虑将来于谭仔摆酒，她笑言：“都有得谂，其实可能系我上次同男友喺度搞生日会，开启咗佢哋另一条财路。”Cheronna又谓本来有邀请男友一齐参与今次吧情人节活动，但对方最后却未有现身。“活动结束后应该同佢食糖水，其实两个人开心日日都可以情人节啦。”

至於单身嘅Aka就话已计好数，活动结束后返到屋企，情人节时间所剩无几，所以完全唔使烦点过，听落都觉得dry。其实情人节过后，Aka即将迎来32岁生日，但她笑言随年纪增长，已不会大肆庆祝。“应该会叫朋友去屋企，其实我觉得生日应该系我要煮餐饭比妈妈。同埋，啱啱举行咗音乐会，又有偶像容祖儿拍片鼓励我，已经系最好嘅生日礼物。”