【友人抱抱】周柏豪自爆是浪漫之人　最爱凭歌寄意赠太太

周柏豪昨日（14日）出席在旺角麦花臣场馆举行的《友人抱抱音乐会》，为王灏儿、郑欣宜和郑融三位歌手担任音乐会的特别嘉宾。适逢昨天是情人节，而音乐会的主题也是关于情人节和爱。 柏豪就表示情人节未有活动陪伴另一半，因为要出席是次活动，他说：“返到去都第二日喇， 咁但系其实无乜所谓嘅，首先我同另一半就唔系​啱啱相识，咁同埋都相识咗超过十年喇，所以都已经经历过好多个情人节，好多个白色情人节，好多个黑色情人节，所以就无去介意情人节系咪一齐过，最紧要大家身体健康，开心同相处得好。”

柏豪直言没有准备礼物给另一半，但以前就试过送一些特别的礼物给对方，因为他指自己是一个喜欢浪漫的人，“我曾经试过写过歌啦，做过一张专辑啦，成只专辑送畀佢，但系里面嘅歌系无发布过，做过啲公仔畀佢啦，因为我做手作系好差嘅，所以对于我嚟讲系一件好难嘅事， 咁我相信佢会好appreciate我会用自己最差嘅𠮶样嘢去做啲见得吓人嘅礼物送畀佢。”柏豪觉得太太应该最喜欢他写歌给她，​《天光》、《我的宣言》和《终于我们》等等都是柏豪凭歌寄意送给太太。​实在令不少女生羡慕呢！

音乐会上，三位女歌手都有在台上大爆自己的感情经历和看法，例如郑欣宜有讲起以往的一段情，原来已到达谈婚论嫁的阶段，但最后却分开了。柏豪和她们也是好朋友，三位女孩子有没有跟他分享过这些经历呢？“我同佢哋嘅关系一向都系‘报喜不报忧’，我知道佢哋好多开心嘅嘢，反而唔开心嘅嘢大家都唔系好愿讲，所以喺台上面对歌手嚟讲系好容易释放到自己，去讲吓自己嘅经历啦，同大家去分享，希望大家得到共鸣，同喜欢我哋嘅音乐啦。”他说。