金牌监制德哥离巢 林秀怡如失靠山：有时未接到剧真系好怯
去年因《是咁的，法官阁下》而成功入屋嘅林秀怡（Kirby），多年来为生计而打过唔少工。两年前同朋友喺旺角开设手工意粉餐厅嘅佢，为增加客路，呢日特意去学3D拉花咖啡，笑言自己系手残嘅佢喺师傅协助下，都整得有模有样，之不过，到佢独力上阵时，可爱小猪变成流鼻涕的小猪，过程有几爆笑可以即睇片。
虽然3D拉花咖啡能够吸引唔少少女，但林秀怡就话由于所经营嘅餐厅以翻台为主，所以暂时都唔会考虑更新menu。“将来如果开分店系可以加入3D拉花，而家开业两年，其实应该已经回事，想在不同地区扩充，但因为我哋得两位师傅，未揾到人可以传受技术，啲食物咁样好难会保持到水准，二来唔想一赚到钱就去开分店。”
入行10年，林秀怡由路人做到近年“有名份”的角色，更为金牌监制潘嘉德御用演员之一，之不过，随著潘嘉德离巢，林秀怡工作大受影响。“以前可能两三个监制轮住揾我拍剧，变相系剧接剧，但而家用开我嘅都走晒，我自己又唔太识去social，所以影响一定有，唯有比啲时间，咩角色都接，同做好佢，等其他人见到。”去年《是咁的》虽令林秀恰曝光率大增，但她当时就话过未有因而令工作大增，幸好最近终于接到新剧《唐人街》，与唐诗咏、陈山聪等人合作。“有时未接到剧真系会好怯，因为其他监制未必识用，PA揾我做路人又唔系、揾我担正又唔系，所以系好难。但我相个呢啲时间会过，而家有时间就会去拍片、剪片增值自己同增加曝光率。”
等待对艺人来讲虽然系闲事，但过程痛苦，幸好林秀怡性格乐天。单亲家庭长大的大，去年为救患癌妈妈而花尽所有积蓄，就连婚事也受到影响。“同男友有结婚共识，但因为用晒啲钱而家唔知点算，30岁结唔到咪32啰，我好随意，唔想SET死自己。”说毕“用晒啲钱而家唔知点算”秀怡即时哈哈大笑，似乎并未有为“钱”路而感到太担心，并笑言男友虽然系导演，但完全唔将自己推荐予同行友人。“识导演嚟做咩？真系嬲！佢成日都话啲人要揾就自然会揾，佢系公私分明嘅人。”
场地提供：笠笠咖啡 Lov Lov Coffee