郑中基有意开网台与杜汶泽炼过　拉拢方力申梁汉文再合作主持

郑中基（Ronald）五场红馆演唱会圆满落幕，Ronald去到庆功宴表示最希望吃萝卜糕：“萝卜糕无食过，校长（谭咏麟）讲过食萝卜会破气，所以千奇唔好掂，所以我一嚿都未食过。”

演唱会结束后，Ronald笑言自己是有SHOW前及SHOW后抑郁症：“好似琴晚咁我知道系最后一场，我都唔系瞓得几好，由第一场谂到今日，当然唔舍得，希望快少少再搞另一个演唱会。”Ronald给自己很大压力，相反女儿在台上表演十分淡定，Ronald大赞女儿不怯场：“我初初都好担心佢，同佢合唱两首歌都系佢拣，佢好好，因为彩排时我唔记得歌词都系佢提我。”

五场嘉宾都惊喜十足，亦引来不少话题，譬如说方力申及梁汉文出现，令粉丝联想起三人的经典节目《美女厨房》，在台上Ronald笑言可以去ViuTv做节目，ViuTv当日也快速表态等待三子，不过Ronald在接受访问时候解释了大家有点误会：“《美女厨房》呢个名系TVB所以我哋唔可以拎去第二边做，ViuTv都唔得㗎，大家误会咗，我哋其实系想自己搞个台，我哋个台叫TViuB，所有节目我哋都搞，颁奖典礼又系我哋，其实我哋真系有谂，完演唱会会约时间坐低倾，大家拭目以待。”

另一个惊喜则是联同《龙咁威》的元祖成员包括：谷德昭、李璨琛及张达明在台上宣布开拍电影《龙咁威3》，Ronald透露是希望明年的贺岁档期上映：“其实剧本系有，只不过剧本一直修改，唔系话太好笑，所以我就不如押后，等剧本搞掂真系先开，唔好为开而开。”这部电影令人在意的另一点是否原班人马也会出现，其中当然包括女主角邓丽欣，Ronald笑言一早找了：“我连家英哥都揾埋，一定要原班人马，不过睇下会唔会再揾新人。”