【新春开运王】被指留恋旧名字　黄致豪：我仲挂住黄长兴呢个人

由薛家燕、黄致豪、汤洛雯、麦玲玲、李丞责、李居明主持的无线贺年节目《新春开运王》今日（8日）在大埔船湾桐梓三宫庙进行录影，黄致豪表示：“当公司揾我做呢个节主持嘅时候都愕然咗，虽然讲广东话比以前系好咗嘅，但做主持要口齿伶俐转数又要快，我觉得自己仲系慢少少，有时候家燕姐佢哋爆肚唔跟稿讲，我就要谂一谂先，再用广东话讲就会慢咗，但同佢哋合作真系好好玩。”

节目出街后，有网民发文指黄致豪“又要改名又唔舍得个旧名，最后X到要用黄致豪（长兴）嚟做title。”他接受访问说：“其实我都有见到，点解明明见到我个样，其实打返黄致豪个名都应该足够啦，咁有可能我喺呢个节目第一集出街嘅时候，我仲叫紧黄长兴，跟住之后𠮶几集我变咗黄致豪，咁所以公司安排黄致豪括弧黄长兴啰，我又冇理会到，都系由公司决定。（网民话你仲好留恋黄长兴呢个名！）哈哈，冇呀！系改咗就改咗，其实我都仲挂住黄长兴呢个人嘅，不过都希望大家叫返我做致豪！”