【荷里活有个大老千】司徒晖入行10年想放弃：好多个月冇工开

TVB新剧《荷里活有个大老千》以60年代嘅香港为背景，当时赌博风行，也是香港最黑暗的时期，贪腐成风。剧中由汤镇业饰演的文探长在警界只手遮天，他的手下也跟着他到处耀武扬威，当中饰演荣少的司徒晖（Louis），作为汤哥的得力助手，更处处为难郑则仕。虽然角色并不讨好，但就令观众注意到这个默默耕耘的演员。

汤哥饰演的文探长有权有势，Louis跟着汤哥这个大佬“揾食”，自然与对方有大量的对手戏，更因为时时跟出跟入，有更多机会向前辈学习，Louis在接受《香港01》访问时也表示很感谢汤哥：“佢真系好关照我，多得佢畀位我上。有场戏系讲龙四设局用架车炸我同汤哥，导演就要求我哋个人向后135度跳起再跌落塌塌米，结果我唔识跳，要汤哥老人家陪我趴街7、8次，但佢都冇怪我。”两人不止在剧中合作无间，事后汤哥亦处处提携Louis：“佢真系当我契仔咁，套剧完咗之后佢仲会介绍我畀监制识，边度有啲咁好嘅前辈呀。”

Louis入行前曾做过救生员和游泳教练，之后参加第24期无线电视艺员训练班成为艺员。不知不觉入行近十年，他透露最初曾经月薪只有5000蚊，但他依然不放过任何一个角色，直至到2011年爆发临时演员工潮，Louis试过连续4日做不停：“系咁开工系辛苦，不过人工几个月岀几万蚊粮系辛苦都值，最高单月岀三万五。”不过好景不长，Louis工作逐渐减少，收入不稳定，更受到家人的质疑：“其实屋企人一直都好反对我做呢行，因为觉得我30岁每个月都只系得一万多啲唔掂，我老豆做个普通花王都揾两万蚊。而且我老豆已经68岁，我嘅任性都应该有个限度。”

点击下图睇司徒晖更多精彩演出：

这次遇到这个角色，演出备受好评，但Louis对前途仍然感到茫然：“做呢行就好似赌咁，你嘅赌注就系青春。无论你有冇背景有冇家底，结果系点冇人知。我今次咁好彩做咗呢套剧，就好似入到赌场中咗铺大，但你唔知下一铺会开咩。”今年将踏入30岁的Louis，也开始好好考虑未来的方向：“希望呢套剧个结果好，令到我可以同屋企人讲继续做呢行。但拍完《十八年后的终极告白》之后，我一路等等等，到而家都已经喺屋企坐咗好多个月。希望有啲好啲嘅角色，令屋企人唔驶担心。”

Louis入行至今仍然未得到家人的支持，更经常被妈妈的冷言冷语令他大受打击：“可能因为佢做管工啦，乜都要管，日日都问我有冇工开，人工几多，呢啲令到我好辛苦。”虽然如此，但Louis一路上就与一位好朋友互相扶持：“其实我同李伟健好Friend，𠮶阵我哋都成日嗌穷，但估唔到佢因为Terry就弹起。所以呢啲其实好讲求天时地利人和，多谢朋友嘅支持，希望屋企人都会支持我。”