吴浩康澳门演唱会　冲落台揽住阿爸喊到变猪头

吴浩康（Deep）早前于澳门百老汇舞台举行佢首个澳门演唱会《Deep Night Show - One Night in Macau 2019》，好多朋友、长辈和歌迷专程由香港到澳门睇show，当中Deep的爸爸亦有到场支持，他更在演唱会期间揽住爸爸喊到变猪头，场面感人。

Deep第一次澳门开show，他感到紧张又开心，“show前都几紧张，因为自己状态比较唔系好稳定。因为澳门同香港真系好近，文化资讯亦都好相似，成日都觉得除咗香港，澳门系我第二个基地，所以可以喺澳门开show，对我自己嚟讲系一件好有意义嘅事。”

唱到《儿戏》时，Deep好感触地说：“有好大段时间唱歌范围只系喺自己屋企，但我永远都有一个最好嘅观众，永远都有一个人生最好嘅伙伴、对我最大嘅包容，冇佢根本冇我，我爸爸！”之后Deep走落台揽实爸爸，仲喊起上嚟，事后Deep话：“爸爸去澳门支持我，好感动。show前我有啲将我嘅压力转嫁咗喺我爸爸到，所以喺show上见到佢，好百感交集。”