是非精搞年宵档 王祖蓝撑场：啲女仔应该系最好卖
撰文： 邝钰莹
出版：更新：
梁嘉琪联同几位“是非精好姊妹”汤洛雯、冯盈盈、张宝儿、张秀文、邝洁楹以及一班幕后工作人员喺观塘年宵摆档，由于每晚都有唔同嘅小花助阵，所以生意都算唔错，而身为梁嘉琪好友嘅王祖蓝昨晚亦专登现身撑场打气，吸引不少市民围观看热闹。
已经有近十年无行年宵嘅祖蓝话自己对上一次现真身，好似都系帮朋友撑场，而呢日佢一行到埋档，就同几位是非精讲：“你哋个档卖乜㗎，卖无敌猪头炳？”祖蓝之后更笑言最好卖应该系啲女仔，“我见啲男士们过到嚟五百一千咁，好紧要架，完全好似提款机咁，总之啲女仔埋去讲句嘢就有钱赚。”
首次执导嘅《你咪理，我爱你！》上映，祖蓝日日都到戏院谢票，他指每次听到观众的笑声、再跟对方直接交流是最温馨的。“今年竞争好大，不过都系好事，就好似呢个年宵咁，百货应百客，要正经有正经、要歌舞有歌舞。”为了宣传新作，祖蓝就连新年都要开工，问到可有抽时间喺屋企洗邋遢，他说：“你问𠮶阵都笑啦，大家都应该知我无，依家最希望系可以尽快谢完票同老婆去旅行。”
【周五心意运动】您捐一封$50利是，已可为基层送上温饱，01心意呼吁您支持【香港青年协会】 ，每$50即可制作5碗爱心汤和心意礼物：https://heart.hk01.com/zh/project/10095