【荷里活有个大老千】传借狗密会人夫邓健泓　李施嬅：狗狗系无辜

李施嬅今日（31/1）出席于西九中心举行的无线剧集《荷里活有个大老千》迎新春造势活动。施嬅在戏中“破格”演出15秒摆21个诱惑甫士成为城中热话：“系拍嘅时候系有少少尴尬，因为未做过呢啲角色同呢啲动作，咁所以系有啲惊嘅，又要讲啲对白又要“咦”同“耶”，但出到嚟反应又几好，其实我又冇跳舞底，又冇咁多存货系度，所以上网揾。”

在2004年时，李施嬅与邓健泓因拍摄无线剧集《老婆大人》而挞著，09年因女方停工远赴加拿大升学，两人关系转淡，到最后分手收场。近日有指李施嬅借定情爱犬，密会旧爱人夫邓健泓，女的被拍到在男方寓所楼下接两人同居时共养的两只狗只，两人还有讲有笑，被指偶断丝莲。据悉爱犬是当年两人共堕爱河时的定情“结晶品”。李施嬅接受香港01访问时说：“其实我哋不嬲我哋都有揾，我同邓健泓、Sukie都系朋友，唔存在偶断丝莲呢个问题，其实我觉得系一件好正面嘅事，狗狗好似小朋友咁系有生命，可能好多人觉得佢嘅生命可以买返嚟就可以遗弃，但对我嚟讲就唔会觉得，你可以话选择托养或其他方法，但我就觉得狗狗系有感觉，佢好想有一个亲人系身边，咁所以咁多年我哋都咁坚持，一系佢睇又或者我睇，咁一定唔可以畀第二个睇啰，其实每一次交收狗狗嘅时候，Sukie都会在场。”

施嬅被问到会唔会怕麻烦，日后有所避忌？“其实我又觉得唔好嘅一件事，虽然佢系我前度Ex，已经系10年前嘅事，同埋大家都系朋友嘅关系，我亦好开心佢揾到Sukie咁叻嘅女仔，佢又靓又识唱歌嘅女仔，我哋三个都会间唔中会约埋一齐食饭，觉得成件事好正面，虽然大家冇喺埋一齐，但都会祝福大家，系一件开心嘅事，点解啲传媒写到咁负面，如果写到人哋惊咗唔做，啲狗狗最无辜，反而佢哋最受害，点解要咁样呢，不如大家写啲正面嘅嘢好过啦，将呢件事让人学习，去珍惜生命好过啦。”