大只男郭子豪为keep健美身型　食几多嘢就要做返几多gym

郭子豪（Arnold）今日（30日）出席马术比赛记者会。Arnold坦言前年有特意为拍摄古装电视剧去学骑马﹐但后来因为档期的问题﹐最后没有出演该角色。他又说︰“如果依家我要学骑马﹐无得去返之前个机构骑﹐因为我依家比较重﹐佢哋过咗80kg就无得骑佢哋𠮶啲学骑马嘅马﹐所以如果第时拍返古装可能要减返少少磅先再骑。”

Arnold最近忙于拍摄《法证先锋IV》﹐他说自己昨天初试“收得晏”的滋味。“其实系因为佢开晏嘅关系﹐所以收得晏﹐唔关剧组事嘅。我入行到依家都第一次收咁晏﹐琴日就去到31（早上七时）。”他大谈戏内的角色﹐“戏里面系做一个重案组（探员）嘅角色﹐咁我哋法证先锋有法证﹑法医同重案﹐我就系重案𠮶边﹐所以系要由头跟到尾﹐每单case我哋都要开会去倾﹐去捉疑犯﹐返到嚟审犯。”他透露该剧会到三月中才完成拍摄。

Arnold身为健美运动冠军﹐被问到会否需要在新年忍口﹐他说︰“其实我依家都尽keep啰﹐keep返个身型﹐咁你食多咗少少﹐咁你勤力返啲去做gym其实ok嘅。”而他表示今年新年也会在忙碌中度过﹐“都开心嘅﹐因为今年新年都会几忙吓﹐因为初一至初三都要做嘢。”他也坦言自己现在一有时间都会尽量陪家人﹐但现时也会工作至上。