【荷里活有个大老千】首拍剧获赞好戏　陈雅思：做咗好多准备

陈雅思（Bonnie）近日在《荷里活有个大老千》中崭露头角，饰演李施嬅手下舞蹈团成员芬芳的她，原来是2016年度香港小姐季军。在签约无这线后，这两年主要都是做节目主持的工作，《荷里活》则是她第一TVB次挑战演戏。问到第一次拍剧的因缘际会，陈雅思说：“其实呢套剧系一年前拍嘅，系同王晶嘅合拍剧嚟嘅，咁作为新人公司觉得有角色适合我、要我去拍，所以就好开心有呢个机会，冇问太多就去拍啦。”她又分享了第一次拍剧的感受：“第一次拍剧好开心同埋好紧张，所以做咗好多准备。拍之前我都有上Acting Class，同啲朋友一齐对稿。我有啲朋友睇电视𠮶阵仲Cap返图俾我话认得呢一幕。啲前辈同导演都好好，好多时都会提点我。”

第一次演戏，除了在演技上努力，在外国长大的Bonnie在学好中文上也下了不少苦功：“之前都有老师教我中文，但系而家停咗啦。最近我都有揾中文学校，本身揾到一间几好嘅，近我屋企同埋价钱都算平。谂住报名嘅时候发现原来𠮶班系专比菲佣嘅。我觉得学中文最容易就系同朋友倾多啲计，睇多啲中文，但系我啲朋友成日都笑我啲中文词语成日讲错。”陈雅思在自我管理上也十分努力：“因为我哋三个月都系住喺深圳，所以返工放工都会一齐hangout去食嘢。因为我哋平时嘅饭𩠌都比较油腻，𠮶三个月我通常食紫菜捞饭或者用暖水洗走菜嘅油先再食，所以系剧里面可能会见到我越嚟越瘦，希望可以连戏啦。”
 

陈雅思曾在无线节目《叹得好健康》里因身材健美而引起讨论，她就回应自己一直都有坚持做运动：“我一直都有做瑜伽，发觉原来我Po啲做瑜伽、做运动嘅健康相，朋友会钟意同觉得inspired 健康啲，其实我都觉得好开心有呢个positive influence，所以攞完个瑜伽老师牌之后，而家都会教吓啲朋友。”这次在《荷里活》里展现了好身材，令观众都感到惊艳，可见Bonnie对自己的管理和一切努力都没有白费，她亦希望这一次在剧中的表现良好，以后能有更多拍剧的机会。