挑战舞台剧《陪著你走》 游学修下足苦功：一星期排6日戏！
撰文： 叶诗
出版：更新：
游学修今日（23日）出席时尚品牌活动，透露自己有份拍摄的《狂舞派3》已经煞科：“我嘅戏份得好少，即系一个到此一游式嘅客串，黄修平（导演）都好好，始终我哋参与过佢嘅电影，佢都想揾返我哋出现喺入面。我嘅角色啱啱好串连起几个主角，但其实做嘅嘢就唔多，反而呢排主要系排练近舞台剧。个舞台剧特别排得多嘢，其实已经排咗两个月，嚟近仲要排多一个月，三月先Show，但我觉得系个几好嘅挑战，所以都瞓身去做。”
从电影到舞台剧，游学修就说自己作为一个演员正在学习的过程中：“始终我自己个盖系喺电影到，但香港艺术节一揾我去做舞台剧，其实我系即刻应承。因为我觉得舞台剧好似系帮我去explore更多关于acting嘅嘢，镜头演出只不过系acting嘅一部份，咁事实上一路排戏都学到好多嘢，而当中一啲做开舞台剧嘅前辈都好鼓励我，有时都赞吓，咁我就觉得佢哋赞我，都证明我做啱咗啲嘢，所以系一个好好嘅学习机会。我好珍惜，都希望呢九场所有会嚟睇嘅观众真系睇到我做嘅嘢系好睇嘅。”
游学修透露在舞台剧《陪著你走》中饰演一个过度活跃兼读写障碍的中学生，甚具挑战性，对于新的挑战，游学修就表示：“自问系一个自信心大嘅人，𠮶样嘢虽然未必系我嘅本行，譬如唱歌，如果我真系唱得好好我就去咗做歌手啦，但我会有信心系我嘅preparation，足以使我喺台上可以令观众赏心悦目，所以我先投放咁多时间落去，去做好呢九场，希望大家睇到𠮶样嘢系好睇嘅，所以压力系有，但就唔担心，有信心嘅。”