【法证先锋IV】黄心颖30岁生日大日子　预埋马明庆祝：会一齐食嘅

黄心颖今日（21日）出席无线电视新剧《法证先锋IV》宣传活动﹐她透露今次饰演一名记者的角色﹐主要与谭俊彦和黄浩然有对手戏。她说︰“今次的角色表面上系一个开心嘅人﹐但其实内里系比较多黑暗啲嘅background。而戏里面对住浩然有啲愧疚﹐但呢个唔讲得住。”心颖表示在揣摩角色方面也没有遇到太大困难﹐因为角色表面上与她本身性格也相似﹐只是在内在的部分需要做足功课﹐去以角色的角度去思考﹐所以心颖觉得这次的演绎会比较“好玩”。

被问到过两天是心颖的生日﹐有没有什么庆祝活动呢？她说︰“庆祝都已经由几日前开始㗎啦﹐嚟紧都会同屋企人同朋友庆祝﹐因为30岁佢哋话系一个big number﹐佢哋想帮我大肆庆祝。一开始我觉得好stressful﹐要搞个party﹐但系有啲friend就主动话帮我plan个party﹐都有得去玩嘅﹐虽然要拍剧﹐佢哋都就咗我夜晚可以去食饭。”（咁马明系咪屋企人啊？）“佢系close friend啰哈哈﹐佢都应该会一齐食嘅。”

心颖就说没有特别大的生日愿望﹐身体健康已足够﹐因为身边有不少人都病倒了﹐所以健康是最重要。另外﹐在工作上﹐除了拍剧外﹐她也希望有新尝试。30岁好像代表著一个关口或里程碑﹐心颖又有何寄望？“30岁对于自己﹐我希望可以尽量学多啲嘢﹐除咗工作上﹐我都希望自己喺出面揾多啲兴趣学﹐丰富自己嘅人生﹐或者去多啲旅行﹐唔好净系挂住做嘢﹐工作都重要﹐但系我觉得工作以外嘅人生都要好好建立。”她也坦言︰“反而以前会觉得就嚟30啦﹐好似好大个咁。但依家去到30岁﹐又无咩特别感觉﹐我觉得其实我廿岁嘅时候都过我几好啊﹐都对得住自己﹐活得几精彩。所以我依家都无咩特别惊30岁﹐反而系有啲期待。”