【荷里活有个大老千】蔡瀚亿全裸爆汗　肉搏吴业坤：真系好核突

蔡瀚亿 (BabyJohn)在《荷里活大老千》饰演演员“舒奇”，但经常发生搞笑事，例如之前他戏中戏跑龙套扮大侠，却被人打到呕泡；在片场蹓跶时，又不幸被女演员两度误为色狼，连掴两大巴，到昨晚 (1月17日)“舒奇”孖住“墨基”吴业坤（坤哥）这个沙煲兄弟收工回家，两人为争厕所冲凉更搞出一场肉搏大战，令人爆笑。

重温蔡瀚亿被掴情节：

该场戏讲述蔡瀚亿和吴业坤这对巴打成身汗回家后，剥晒衫裤“全裸”争厕所冲凉，互相死揽箝住对方，混乱中蔡瀚亿捉住坤哥只脚唔放，坤哥又咬蔡瀚亿只手，男男肉腾腾拉扯，却被王子涵见到，仲耻笑二人“冬菇仔”（指男性生殖器官。
其实蔡瀚亿同坤哥在内地片厂拍摄这场戏时，时值炎夏，气温接近40度，由于片厂系铁皮搭建，厂内热到抽筋，两人未埋位已经爆汗，所以黐立立埋身肉搏，感觉好难受，蔡瀚亿提起都忍唔住笑：“其实呢场戏谂起都觉得核突，因为拍嘅时候天气太热，我同坤哥两个热到成身湿晒，啲汗系黐晒喺个背脊度，干咗又热番又再湿番，跟住揽埋一齐打交，希望观众睇完觉得好笑，因为真系拍得好辛苦，辛苦嘅唔系动作，而系我个身掂到佢个身，我而家谂番都觉得点解当刻我可以做到？真系唔系好接受到。”