康华正式做Rapper女歌手　47岁新人出道 ：系一个good timing

康华今日（17/1）出席在尖沙咀举行的新歌《火拼花》发布会，并正式签约加盟《环星娱乐》做歌手。一众好友汤镇业、陈炜、姜皓文、郑子诚、张文慈等人到场支持，场面星光熠熠，气氛热闹。康华紧张说：“我琴晚冇训过，其实几晚都训唔着，不过咁啱呢排都好梗剧，可以分散啲注意力，因为有好多嘢要筹备，瞓唔着都系正常。”

康华40有7踩入乐坛做Rapper推出处女新歌《拼火花》，会否觉得太迟？康华表示：“其实我冇谂过会做歌手，亦冇谂过唱歌会受网民及观众嘅喜爱，尝试过好多次，原来好多人都钟意，跟住我再试下反应又ok㖞，音乐人士听咗又得㖞，先至有呢个机会，系一个good timing!”担唔担心畀人话踩入乐坛分一杯羹？“我谂唔会嘅，其实我系呢行相处咗好多艺员朋友呀，或者就算歌手都好啦，其实每一个人都好心胸广阔嘅，我唔会觉得佢哋唔会有呢种谂法。”