【新春开运王】家燕姐唔谂再婚：闪婚唔到我喇

薛家燕今日（16日）与汤洛雯和王浩信等艺员出席无线电视贺年节目《新春开运王》录影。她透露节目组邀请了三位堪舆学家，和每集有不同的嘉宾艺人，去为大家解构来年的风水命理运程等等。她说：“我觉得几有趣，大家都会了解下，有时人夹人缘，有啲生肖会特别夹，不妨去听下，因为人与人之间相处最要互相了解。同埋有啲野、有啲方位会引致唔好嘅野发生，咪可以避开佢。”

那家燕姐有否向师傅们请教一下如何去趋吉避凶呢？家燕姐笑言：“有嘅！紧系要问啦！正如靓汤（汤洛雯）讲﹐依家问唔洗畀钱啊嘛！三位师傅都有提点我地嘅，今年我都会大展拳脚，开多几间分校。今年都会驿马星动，嚟紧我都将会喺各地有巡回演唱会，亦都系应验咗嘅。”不过家燕姐也补充，即使她今年行好运，前提也是要自己去努力，不可以只等运到。

家燕姐一直与男友感情稳定，被问到有否请师傅指点一下姻缘运，又有没有可能“闪婚”？她表示：“我唔会问啦，闪婚又唔到我喇，不过头先讲开笑话依家好多人有咗bb先结婚，咁我又点会有bb呢！（所以）就唔会闪婚啦！等我仔同我新抱有bb，咁我就抱返个孙啫。缘份嘅嘢好难讲嘅，我就唔会谂住再结婚喇，如果有个人倾得埋嘅，又锡你嘅，又对你事事都关心嘅，咁都已经系好开心嘅事喇。”