【反黑】续集剧本改足一年　导演宋本中：搞得太大都唔系咁好

网剧《反黑》前年播出时好评如潮，连Netflix都即时入手上架，导演宋本中当时亦食住个势宣布开拍第二季，亦透露喺Netflix协助下，将会有荷里活演员加盟。之不过，讲足一年，续集至今仍然未有动静，唔少剧迷都话等到颈都长晒，到底第二季进度如何呢？导演宋本中接受访问《香港01》访问时，不禁表示：“搞得太大都唔系咁好，因为𠵱家要面向国际，故事上改动较多。”虽然宋本中表现有啲愁，不过佢亦同时宣布“剧本终于搞掂”，并已开始准备前期拍摄工作，他更以“渐入佳境”形容目前的进度。

《反黑》第一季共30集，拍摄期约为3个月左右，但由于续集全面升级，所以预计有60集、400多组。“因为动作戏份多咗，尤其有几场会拍得好大型，所以成件事唔同晒。”宋本中指出，续集将与第一季一样，主力于香港取景，但亦有计划飞到英国或欧洲拍摄。“因为今次有外国演员参与，佢哋嘅条款比较多掣肘，系可能会有少少影响，但我有信心可以令续集更精彩。”至于主角陈小春、陈国坤、李璨琛等人的档期，导演笑言虽然略有隐忧，但目前都在掌握之中，所以并不算太担心，又保证《反黑2》绝对系值得期待。

另外，上集饰演体贴女友嘅小羽陈雅婷，于剧集播出后，大受网友欢迎，宋本中亦预告今次会加强佢嘅戏份。“佢嘅伏线都系为咗帮小春，所以会有大嘢发生。”至于饰演反派饰演到入血嘅乌鸦张耀扬，会否借《反黑2》重出江湖呢?  宋本中虽然话有少少棘手，但最后都不忘补充：“会尽力满足观众。”并暗示已经努力“度期”。