【大帅哥．专访】张卫健用《大帅哥》救港：香港开心指数愈来愈低

《大帅哥》即将大结局，由2017年年初隆重其事签约，到拍完跌入仓底，再于不被看好的情况下却有热烈反应，无可否认，张卫健的叫座力依然在。多年未在香港拍剧，他不只一次说过，自己当年突然出走，心里觉得欠了香港人一部剧，所以今次回来不计酬劳，哪怕拍足六个月，都依然要回来跟大家见面。

王晶曾经讲过一句说话，“最有天份嘅电影演员系周星驰，最有天份嘅电视演员系张卫健”，而张卫健没有直接回应这句说话，却不否认上天给予自己的天份，他说：“上帝畀咗一个才能我，去演喜剧，或者创作喜剧，而真正喜剧唔系就咁揾一个人就做到嘅。我唔否定上天畀咗我呢个才能，除咗香港，我仲去咗内地，重新适应用国语创作喜剧，系好难，但经过好耐时间，我终于做到。除咗我自己事业，如果我可以令观众减少压力，呢啲就系奖赏。”

笑带来力量　愿望与全香港人一齐笑

愿望是还香港人一部广东话剧集，再了结这个心愿后，张卫健也表示下一次再拍广东话剧也不知是何时何月，可能是今年，也有可能Never again。不过，他的愿望并不只一个，他表示：“年头弟弟过咗身，我为佢办身后事。当晚系做追思弥撒，我带住一个好迷惘、不知所措、好乱嘅心情入教堂，然后见到一位朋友行埋嚟同我握手，面带微笑同我讲：‘我叫做乜乜乜，我系今晚为Herny做追思弥撒读经嘅义工，你哋放心，今晚将会一切顺利进行，希望你哋唔好太过伤心。’我嘅感觉就系原来系可以喺个funeral（丧礼）度笑嘅，而呢种笑系一股好强嘅力量，透过佢简单嘅说辞同埋握手，传送咗一股力量去我身体形成一个暖流，呢度力好劲，好势利，好warm。过咗呢件事之后我谂返，我可唔可以做到佢呢个角色，我同佢三识唔七都可以咁帮我，咁我同第二个三唔识七，我好似佢咁做，对方会有咩感觉呢？我估计对方应该同我当日一样，有一股好暖嘅感觉，咁系咪几好呢？”

身为演艺人，张卫健亦承认自己会有所计算，会考虑如果拍一个湖南卫视的节目可能几千万人睇，做一个BIG 4红馆四面台演唱会可能有万二人，如果在教堂做？几百人？如果用这段时间做一些更多人看到的事会否更有意义？不过，张卫健用了德兰修女的一句金句解释：“好多人未必有能力做大事，但系好多人都可以用大爱做无数嘅小事。”这件事背后的连锁效应你估不到，于是决定去做吧。

密切留意张卫健专访part 2。