【港版林宣妤】陈晓华与林宣妤变成好友：我哋一见面就互望对方！

应届香港小姐冠军陈晓华（Hera）今日（9日）出席保良局“关怀长者心”茶聚，曾经是见习护士的Hera表示与老人家相处很有心得：“平时一得闲就会揾佢哋倾吓偈，同埋听吓佢哋讲啲故事，咁我最常听到就系等佢哋讲吓自己啲爱情故事，由佢哋初恋到结婚生仔，咁就听晒佢哋一生！”

上星期是Hera的24岁生日，刚刚入行不久正在习惯艺人工作的她自爆因工作而不得不放朋友飞机：“我个工作系前一日先通知嘅，但已经约咗十几个朋友谂住畀个惊喜我，我以为只系约一个，于是我就同佢讲‘唔好意思我听日嚟唔到啦，突然间有工作！’点知佢哋系十几个人特登请假同我食饭。”

参选港姐时已经有“港版林宣妤”之称的Hera最近完成艺人训练班，更与训练班同学“正版”林宣妤（Serene）变成好朋友，Hera笑指初次见面时都有望多两眼：“当初我哋一见面嘅时候都喺度互相望吓对方，‘咦真系似咩？’我就觉得其实上镜似啲嘅，真人就觉得系两个唔同嘅风格啰！”在旁的陈静尧笑称在Instagram看到她们的相都有些令人混淆，邓卓殷则觉得二人性格其实很不同：“两个都好多嘢讲，不过Serene慢热啲，Hera平时就同大家好快就有好多话题。”