细个打针惊到喊反转医疗室　胡杏儿：啲姑娘都怕咗我

胡杏儿今日（8日）以代言人身份到尖沙咀出席流感疫苗宣传活动，近日香港天气反复无常、忽冷忽热，是流感高峰期，杏儿表示：“身边嘅近日朋友都病咗，最好预防方法方就系用疫苗，因为好似揸车时扣咗安全带一样，有一个保障。况且依家又有新嘅喷鼻式疫苗，唔使再怕打针，因为好多家长都会面对一个问题，小朋友一知道打针就会好惊，所以依家有喷鼻式疫苗，可唔可将所有疫针用晒喷鼻式方法代替，咁啲家长就可以放心。”

大人打针都会怕，更何况是小朋友？杏儿分享儿时经历说：“最深刻有一次，小时候读幼稚园时，妈咪带住我去打针，一入到医疗室，我未打针就已经好惊系咁喊，连啲姑娘都怕咗我，我惊到将成个医疗室反转，连啲姑娘都惊咗我，不过依家人大咗，知道系唔痛，但见到都会有啲惊。”

而胡杏儿囝囝不经不觉已15月大，精灵又可爱，被问到会否孖住囝囝一齐接拍广告？杏儿笑言：“有广告商揾过我，之前囝囝太细个，当时怕做唔到客户要求，如果唔系太高要求我都可以考虑一下，但揾埋老公一家三口就唔好啦。”