黄心美为自由离开ViuTV：逗紧份粮又冇嘢畀返佢，唔想再系咁！

黄心美（Scarlett）昨晚（2日）出席福斯（FOX）迷你剧《心冤》首映礼，在剧中饰演鉴证科人员的心美表示自己经常要对住惠英红讲对白，在这位大前辈面前令她好有压力：“平时自己口齿伶俐，但系一对住红姐就口都窒晒！”她表示自己第一次拍摄遇到这么多重量级的演员，除了小红姐，亦有黄秋生和谢君豪，她称在三位前辈身上学习了很多东西。

心美日前宣布正式离巢，由NowTV到ViuTV已经合作了八年的时光，令不少人都很好奇她的去向，究竟会不会加盟妹妹黄心颖的公司TVB呢？她笑说：“个个都问我系唔系要去TVB呢，其实我系未谂㗎，依家系处于过冷河嘅阶段。离开系因为想要大啲自由度，我仲好enjoy呢一刻！”（留喺ViuTV系唔系会好限制你想做嘅事情？）“其实一路佢都好畀我好大嘅自由度，老板好知道我放嘅比重系喺出面嘅活动主持方面。我之前有一段时间，差唔多10个月我系冇帮公司拍过任何嘢，我喺出面疯狂接job，但系我就谂，系唔系以后都要咁样呢？我都逗紧人哋份粮，又冇嘢畀返佢，所以我唔想再系咁样。”

心美坦言相比起演戏方面，自己还是最爱做主持：“总系觉得系呢条路揾我嘅，好似language呀、记性方面等等，我觉得自己好适合做呢样嘢，亦系咁多样嘢做得最舒服嘅。”